ကျွန်တော်နဲ့ဂီတ
ကျွန်တော်ဆိုစော်က တူတူပါ ဂီတဆိုစော်က ကျွန်တော်ချစ်မြတ်နိုးရေ ကျွန်တော်ဖန်တီးချင်ရေဂီတဖြစ်ပါရေ..
ကျွန်တော်အေဘလော့ချေမှာ ကျွန်တော်ဖြတ်သန်းခရေ ဂီတလောက အကြောင်း ဂီတဖန်းတီးခါဖြစ်ခရေခံစားမှုချေတိကို
ရွီးလားပါမေ...

အစဖြစ်လာစော်က..................

ကျွန်တော်ဂီတကိုအချေကပင်ဝါသနာပါလာလို့ဆိုကေ ထိုထိုသူသူပိုင်ကကောင်းလေ့ဝါသနာမပါပါ..အေးယကေလေ့
ပိုးတော့ရှိနိန်ရေထင်ပါရေ..ပိုးဆိုစော်မျိုးကလေ့ တခြားစိတ်ဝင်စားမှု့ဆိုကေကိုယ်ခံအားရှိခါ မထရေပိုင်..
ဂီတမှာတစ်ဖေ့ချေလောက်ရာစိတ်မ၀င်စားလီကေ့.၀ါသနာဆိုရေပိုးက ထိမ်းလို့မရသိမ်းလို့မရ ခန္ဓာကိုယ်အနှံ
ရိုးတွင်းခြွင်ဆီ..သွီးကြော..သွီး ..အစုံအစုံကိုဝါးမျိုလှိုက်စားပျံ့နှံပလိုက်စော်...မဟာနွံမှာကျလားရေလူတစ်ယောက်ပိုင်
လှုပ်လီမြုတ်လီမြုတ်လီလှုပ်လီနဲ့သံသရာကိုလည်နိန်ပါယင့်ဒေ.....
ကောင်းဗျယ်..ဂီတငမိုက်သားတူတူ ..ဂီတနွံ့ထဲမှာဇာပိုင်မြုတ်လားခလေဂု..စက်ရုပ်လူသားအာနိုးကားကစက်ရုပ်
သံရည်ပူထဲမှာမြုတ်လားရေပိုင် လက်ချေထောင်လို့တာတာပင်ပြခယင့်လား............
အစကတော့ အစကတော့ဆိုစော်မှာမူလတန်းကျောင်းသားဘ၀ကစကတ်ပါမေလေ..
ကျွန်တော့အကြောင်းချေတိကိုသတ်လို့မစစ်ရပဲပြောပြပါမေနန်း..အော်လမ်းကြောင်းကပြောင်းပြန်ဗျယ်...စမေ
ကျွန်တော် မူလတန်းကျောင်းသားဘ၀ ကို အ.မ.က(၂၃)ကျောင်းတက်လမ်းကျောင်းမှာဖြတ်သန်းခပါရေ
ယင်းခါကျွန်တော်ကစာမတော်ရေကျောင်းသားချဘုန်းချေတစ်ယောက်ပါ..ဆရာမကစာမရလို့..ကုလားချေတိထားရေ
ဘေးတန်းခုံမှာ.ကုလားချေတိနန့်ထားပါရေ..ယကေလေ့ ကျောင်းကဆုပီးပွဲတိုင်းမှာ တူတူပါပါရေ
ဇာဖြစ်လို့လဲချဘုန်းနဲ့ဆုပီးပွဲနဲ့ ဘုန်းကြီးနဲ့ခေါင်းဖြီး.သီလရှင်နဲ့မိတ်ကပ်ပိုင် လမှိုင်းပင်မကတ်
ဆုမရကေလေ့ ဆုပီးပွဲမှာကြွရောက်လာရေ လူတိကို တူတူက ကပြရပါရေလေ..ယင်းခါနာမည်ကြီးရေ
ဘရိတ်ဒန့်အကနဲ့လေ..ဇာတေးခြင်းတိနဲ့လဲ ကပြရစော်..အင်္ဂလိပ်ပိုင်တော့မရ ..ယင်းခါကအချေတိဆိုကတ်တေ
"အိုးမေမေကြက်သားဝယ်ခအမဲသားဝယ်ခ ယော်လိုက်"အဲယင်းတေးခြင်း တူတူကိုကြည့်လိုက်စင်ထက်မှာမျက်မှန်တပ်ပြီးကေ
joy ဂျင်းဝမ့်ဆပ်နဲ့ဒန့်နိန်စော်...ဆုတိချပလိုက်ကတ်စော် ...စာပထမရစော်လူထက်ကျွန်တော်ပိုရရေ...မိုက်တေနန်း..ဟဟ
အင်း..ယပိုင်နဲ့ကျွန်တော်၎တန်းကျောင်းပိတ်ရေခါ ကျွန်တော်ရို့စစ်တွေမှာထထူးခခြား RAP အကသင်တန်းလာဖွင့်ပါရေ
ကျွန်တော်ကလေ့တက်ချင်ရေဆိုခါ အိမ်မှာပူဆာပြီးကေကျွန်တော်လားတက်ပါရေ..ဗမာပြည်ကလူတစ်ယောက်သင်စော်ပါ
အေရိုးဗစ်နဲ့တွဲဖွင့်စော်မှာ ခ.ယ.က ရုံးမှာဖွင့်စော်ပါ..ယင်းခါကပင်ကျွန်တော်RAP ဆိုစော်နဲ့နည်းနည်းရင်းနှီးလားပါရေ
ယင်းခါတေးခြင်းသုံးပှဒ်သင်ရပါရေ..ယင်းအထဲမှာ ice ice baby တေးခြင်းပါပါရေ..ကျွန်တော်ကောင်းကြိုက်လားပါရေ
ယင်းတေးခြင်းကိုကျကျွမ်းကျကျင်ကတတ်အောင်လေ့ကျင့်ပါရေ..ဂွကျစော်ကဆရာကလေ့ကျွန်တော်ရို့အကသင်ရေအချေတိထက်
အေရိုးဗစ်တက်ကတ်တေ မမချေတိကိုဦးစားပီးပါရေ..တေးခြင်းသုံးပုဒ်တည်းနဲ့သင်တန်းဆင်းလိုက်ရပါရေ..

ထားလိုက်ပါယင်းဟင့်ကအစဆိုစော်ကိုပြောပြစော်ရာ...ကျွန်တော်မူလတန်းပြီးခါ အ.ထ.က(၂)ကျောင်းမှာအလယ်တန်းနဲ့
အထက်တန်း၈တန်းအထိသင်ခပါရေ..ယင်းခါကကျွန်တော်ကစာမရရေအတွက် ကျောင်းကကပွဲတိမှာအိမ်က ပါဝင်ခွင့်မပြုလိုက်ပါဗျယ်
တေးခြင်းလေ့အလှပဖြောင့်အောင်လေ့မဆိုတတ်လို့ထင်ပါယင့်..ယင်းခါကမျိုးကျော့မြိုင်ဆိုကေ ၀င်သက်ထွက်သက်အခွေချေကို
ကျွန်တော်နားထောင်ပြီးအခွေချေကိုခေါင်းအုံးအောက်ချေမှာထည့်ထားပါဗျယ်....
ယင်းပိုင်နဲ့ကျွန်တော်၈တန်းအောင်ခါ ရန်ကုန်ကိုပြောင်းပါရေ.....ယင်းအချိန်မှာ HIP HOP ဆိုစော်နဲ့စလို့ထိတွေ့ဖူးလားပါဗျယ်
ကျွန်းသားမြို့ရောက်ကရောက်ကထောက်ဆိုရေစကားကျွန်တော့်အတွက်ရာထား..မြင်မြင်သမျှအဆန်းဂျီးယာ
အိုးဘာလေး..ကျောင်သူမချေတိလေ့ပုံစံတစ်မျိုး..ကျွန်တော်နဲ့မြင်မြင်သမျှကြားသမျှအရာတိအားလုံးကလမှိုင်းမကတ်
ရန်ကုန်မြို့ပြညဉ့်တိကထမင်းလုံးတစ္ဆီခြောက်တေပိုင်....နိမ့်လိုက် မြင့်လိုက်
ပြုတ်ကျလိုက်နဲ့....
ကျွန်တော်အိမ်လွမ်းစိတ်တိရီကာတာကလျှံကျလာရေ..ရီပိုရီလျှံတိပိုင်ကား.........

ထားလိုက်ပါ လွမ်းစရာတိ တူတူဆိုစော်အကောင်ချေက ရွက်ကျပင်ပေါက်ချေမလား
၉တန်းပြီးလို့ ၁၀တန်းတက်ခါ ဟဟ တူတူ ရန်ကုန်ပါးဝတတ်လားဗျယ်လေ...
ထမင်းအနည်းချေပါရေ ချိုင့်ထဲက ထမင်းကို သူငယ်ချင်းတိကို
စားပါအုံးလို့လောက၀တ်ပြုတတ်နိန်ဗျယ်...
ဆရာမတိကိုချွဲတတ်နိန်ဗျယ်..လူနိန်မှု့စရိုက်အသစ်ထဲမှာ အံဝင်ဂွင်ကျဖြစ်အောင်
ကို့ဖာသာကိုပြုပြင်တတ်နိန်ဗျယ်
ယုတ်စွအဆုံး"ဟေးကောင်
စောက်ခွက်ဖြတ်ရိုက်ပြစ်မယ်"လဲပြောဖို့တတ်နိန်ဗျယ်.....

ကျောင်းလွတ်ချိန်မှာ ဒယောချေမလို့မလို့ ရပ်တေးခြင်းတိကိုပါးစက ဒလစပ်
ရွတ်ဆိုလားရေ
ကျောင်းသားချေတစ်ယောက်ကို ၀န်ကြီးများရုံးနားကဖြတ်လားကေ
သတိထားမိကတ်ဖို့ထင်ပါရေ.....

တစ်နိန့် တစ်နိန့်ဆိုစော်က ကျူရှင်မှာ
ဆရာတိကျောင်းသားတိမရောက်ချင်တူတူအယင်ရောက်လားပါရေ
ယင်းအခန်းထဲမှာ ကျူရှင်ပိုင်ရှင် ရှမ်းမ၀ါကြီးမနဲ့
ကျွန်တော်နဲ့နှစ်ယောက်တဲရှိပါရေ...

ကျွန်တော်ကမျိုးကျော့မြိုင်ဆိုရေ rap
တစ်ပှဒ်ကိုပါးစကရွတ်ဆိုနိန်ပါရေ.တတိုးတတိုးနဲ့ပါလေ.....
"ဟေ့စော်မျိုးအောင် နင်ဘုရားစာရွတ်နေတာလား" ပါလတ်
ကျွန်တော့နာမည်ကိုမပီမသခေါ်ပြီးကေ
မီးပါဗျယ်....မဟုတ်ပါrap တေးခြင်းဆိုနိန်စော်ပါဆိုကေ
စာမေးပွဲဖင်ဝဆိုက်နိန်ဗျယ်
တေးခြင်းဆိုတုန်းလား
ဇာညာနဲ့ ရှမ်းမကြီးရှည်ဖို့ဗျယ်...ကျွန်တော်က ဟုတ်တယ် ၂၄
ပစ္စည်းရွတ်နိန်ရေလို့ပြောလိုက်မှာ
ရှမ်းမကြီးခေါင်းတညိတ်ညိတ်နဲ့ ငယ်ငယ်ရွယ်ရွယ်နဲ့ ဘုရားတရားရိုသေစော်
နင်တစ်ယောက်ရာတွိဖူးပါရေလတ်......ဟိဟိ

ဆယ်တန်းဘ၀ကိုနိဂုန်းချူပ်ကတ်ပါမေ..မချူပ်ခင် ......
"တူတူ ဆယ်တန်းအောင်အောင်ကြိုးစား..မင်းအောင်ကေမင်းဖြစ်ချင်စော်ဖြစ်ရဖို့"
အဖိုးအဘောင် ၀ရီး အမိအဖ ရို့ကပြောရေ စကား တန်ဖို့မရှိပါလာ.......
ကျွန်တော်အေစကားကို
တန်ဖို့ရှိရှိအသုံးချဖို့အချိန်တစ်ရပ်က..မကြာခင်မှာဆိုက်ရောက်လာပါဖို့ယေ......

တုံးမှာသတ်တိုင်မှာသတ်နဲ့တူတူဆယ်တန်းကျောင်းသားဘ၀ကို
အပြီးအပိုင်စွန့်လွတ်လိုက်ပါရေ...

ဝါသနာတူသူငယ်ချင်းနဲ့တွိဆုံခန်း
------------------------------------------
ကျွန်တော်ဆယ်တန်းပြီးလို့အိမ်ပြန်ချိန်ခါ စစ်တွေမှာ ACID
ရောဂါစနိန်ပါဗျယ်..
ဂီတလောကအတွက်
ကြီးမားရေပြုပြင်ပြောင်းလဲမှုကြီးတရပ်ဆိုကေလေ့မှားဖို့မထင်ပါ..
လူငယ်အများစုစော် hip hop ဆိုစော်နဲ့နဖူးတွိဒူးတွိတွိနိန်ပါဗျယ်

ကျွန်တော်တူတူကတော့ နဖူးတွိဒူးတွိမဟုတ် တစ်ခန္ဓာလုံးနဲ့တွိပလိုက်တေ..ယာ..
မှတ်လီ
ကျွန်တော်အခွေတစ်ခွေထုတ်ဖို့ ဆုံးဖြတ်လိုက်ပါဗျယ်.......
ယကေလေ့ကျွန်တော့စိတ်ကူးထဲက အခွေက မှုံ၀၀ါး
ပါသိ.....ဇာကစလို့ဇာပိုင်လုပ်ရဖို့လဲမသိ ဂွကျလိုက်တေနန်း...
လုပ်ချင်စော်ရာသိရေ..........

ကျန်စစ်သားမင်း ဘုရင်လုပ်ဖို့ မယားတိလိုက်စုရေပိုင်
ကျွန်တော်လေ့အခွေထုတ်ဖို့
ကျွန်တော်နဲ့ စိတ်တူကိုယ်တူ
သူငယ်ချင်းတစ်ယောက်ကိုလိုက်ရှာမိပါရေ........
စစ်တွေမှာမတွိပါလူရို့ တွိခီစော်က
ရန်ကုန်မှာပါ........ရန်ကုန်ကျောက်မြောင်း က
လဖက်ရည်ဆိုင်တစ်ဆိုင်မှာ
ယင်းသူနဲတွိပါရေ....ယင်းသူဆိုစော်က..........................

ကောင်းမြတ်သူ(ခ)မောင်သူ

"ဒေအိမ်သားကြီးစေတနာ လာပါလိမ့်မေ လေးငါးခြောက်ကျပ်
လေးငါးခြောက်ကျပ်ဒို့မလို တစ်ဆယ်တန်ကိုထုတ်ပီးပါအုံး"
ဒုံ ဒုံ ဂွမ်း ဂွမ်း ဂျမ်းဂျမ်း ဘုံဘုံ ၀ါကျွတ်ဗျယ်ဖြစ်လို့
မီးသွီးခြင်းကို
အရုပ်ကြီးလုပ် ပနာကျွန်တော်ရို့အချေတစ်စု..ဆုခံထွက်ကတ်ပါ
ရေ ယင်ကရေရေ ဖွတ်ကလိဒင်္ဂါးနဲ့ ကို့မုန့်စားဖေ့သာချေတိနန့်ပေါင်းပနာ
ထမင်းချက်စားကတ်ပါဖို့လေ....ပျော်ကောင်းထမန်း..

"ဝေးမထည့်နိုင်ဝေး ငါ့အမိအဖလေ့မရှိ " အိမ်ဘရံဒါကခြီနှစ်ချောင်း
အောက်ကိုတွဲပြီးကေ
အကောင်ချေတစ်ယောက်
ကျွန်တော်ရို့ကို အီးတီးအီးစက်နဲ့ပြောပါရေ...ယော်အိမ်တိုင်းထည့်လို့ပင်
ကတ်စီးနဲလိုက်တေ

"ဝေး ငါးပြားခန်းထည့်လေ " "ငါးပြားလေ့မရှိ" အော်သူ့အသံ သူ့စေတနာကလေ့
သူအိမ်ခြံတံခါးမှာ ခတ်ထားရေ
လက်ခုတ်သီးပိုင် အီးစက်နိန်လိုက်တေပင် အသစ်ပြောင်းလာစော်ဖြစ်လို့
ကျွန်တော်ရို့အချေတိကိုအဖက်မလုပ်ချင်စော်
ဖြစ်ပါဖို့...ဒေါသထွက်လိုက်တေ
ပင်...မကျေမနပ်နဲ့..ယင်းအိမ်ကဖနောင့်တိုက်ထွက်လာကတ်ပါရေ..မကျေနပ်ချက်ကိုယ်စီနဲ့
မှတ်ထား မင်း ငါ့အိမ်မှာအလှူလုပ်ကေမင်းရို့အိမ်ကို မဖိတ်

ယင်းပိုင် အချေခါဇာပိုင်ဖြစ်ခဖြစ်ခ သိတတ်ရေအရွယ်မှာ ခွင့်လွတ်သည်းခံပေါင်းသင်းကတ်စော်
သူငယ်ချင်းတိ ဓလေ့စရိုက်မဟုတ်ပါလာ...

ဝါသနာကိုပါထပ်တူပြုလိုက်တေအချိန်မှာ ခင်မင်မှု့အတိုင်းအတာက ပိုလို့ ပိုလို့ ခိုင်မြဲလားကတ်ပါသိရေ..

မောင်သူကိုကျွန်တော်က ရခိုင်နဲ့ rap တေးခြင်းတိဆိုကတ်မေလို့ ဆိုခါ မောင်သူ့စိတ်ထဲမှာထင်ယောင်
ထင်းမှားပါသိ ...ဖြစ်နိုင်ဖို့လားဆိုရေစိတ် သူ့ပါးမှာရှိရေဆိုစော်ကို ကျွန်တော်နားလည်ပါရေ...ယကေလေ့..............
----------------------------------------
ပထမဆုံး ရွီးရေတေးခြင်း
--------------------------
ကျွန်တော် စိတ်ထဲမှာရခိုင် Rap တေးခြင်းဆိုစော်ကျည်းရာ ၀င်နိန်ပါရေ ယကေလေ့တေးခြင်းတစ်ပှဒ်တောင်
မဖန်တီးနိုင်ပါသိ .....ကို့ဖာသာကိုလေ့အားမရဖြစ်မိပါရေ....
တစ်နိန့် ညဉ့်ခါဖက် ခါကျွန်တော် အိပ်ရာထဲမှာ လဲနိန်ယင်းနဲ့ တေးခြင်းရွီးချင်စိတ်ပေါက်လာပါရေ
ကျွန်တော်အိပ်ရာကထလိုက်ပါရေ ပြီးကေ ဖယောင်းတိုင်ထွန်းလိုက်ပါရေ.....ပြီးကေကုတင်အောက်ကသံသတ္တာကို
ဆွဲထုတ်လိုက်ပါရေ ပြီးကေကျွန်တော် သတ္တာကိုခေါက် ဘီတင် ထုတ်ပြီးကေ တေးခြင်းချေတစ်ပှဒ် စလို့ရွီးပါရေ
ကျွန်တော့်ချစ်ဦးသူအကြောင်းကို စိတ်ထဲမှာခံစားပြီးကေရွီးကြည့်ပါရေ......
'အချေခါမသိခအချစ်အကြောင်းတိကို ဒေအချိန်ကြုံတွိရှူးရခြင်းအဖြစ်ကိ'
တေးခြင်းချေနာမည်ကို အချစ်ကိုရှူးသွပ်ခြင်း ဆိုပြီးကေနာမည်ပီးလိုက်ပါရေ.......ဂီတာတီးဖို့
မတတ်ပါ ယင်းအချိန်ခါ ယင်းဖြစ်လို့ ခုံခေါက်လို့ရွီးလိုရွီး နဲ့တေးခြင်းတိကို ကျွန်တော်ဖန်တီးခပါရေ..

ပထမဆုံးမောင်သူကို အကြောင်းကြားလိုက်ပါရေ ကျွန်တော့မှာတေးခြင်းချေတစ်ပှဒ် ရွီးလို့အောင်မြင်လား
ဗျယ်ဆိုစော်ကိုပါလေ...ကျွန်တော့်ရင်ထဲမှာ ဇာလောက်ပီတိဖြစ်နိန်လေဆိုစော်ကိုခန့်မှန်းလို့ရဖို့မထင်ပါ.....

မဖြစ်နိုင်မဖြစ်နိုင်ဆိုရေ စကားတိထဲက ကျွန်တော်ရို့ ကိုယ့်လမ်းကိုယ်လျှောက် ခွေချေကိုကြိုးစားပမ်းစား
ထုတ်ခကတ်ပါရေဆိုစော်ကို အမှတ်တရအနီနဲ့ရွီးသားလိုက်ပါရေ....